У Ваўкавыску затрымалі мужчыну, які прыехаў на радзіму пасля 15 гадоў жыцця ў Польшчы. Відэа яго затрымання апублікаваў набліжаны да ГУБАЗіК тэлеграм-канал.
У роліку відаць, як байцы атрада спецыяльнага прызначэння «Тайфун» са зброяй і балістычным шчытом запатрабавалі ад мужчыны выйсці з кватэры. Потым на яго надзелі кайданкі і даставілі ў аддзяленне.
Пад запіс мужчыну прымусілі сказаць, што ён жыве ў Польшчы з 2009 года.
— У 2020 годзе ўдзельнічаў у несанкцыянаваных масавых мерапрыемствах, за што быў затрыманы супрацоўнікамі міліцыі. (…) 6 студзеня я разам з сям’ёй прыехаў на тэрыторыю Рэспублікі Беларусь, дзе на гэты момант знаходжуся, — вымусілі сказаць на камеру затрыманага.
Прапагандысты абвінавацілі мужчыну ва ўдзеле ў пратэстах і распаўсюдзе «экстрэмісцкіх» матэрыялаў.
Чытайце таксама
